Ansvar ved hald av dyr

Du som eig eller er ansvarleg for dyr, skal sørgje for at

• Dyret har tilgang til opphaldsrom med god nok plass, passe temperatur og frisk luft
• Dyret får nok og næringsriktig fôr og reint vatn
• Sjuke eller skadde dyr får forsvarleg behandling og blir avliva om det trengst
• Bingar, båsar, bur, gjerde og andre innhegningar eller innreiingar ikkje kan skade dyret
• Dyr blir henta heim frå beite før frost og snøfall er venta om hausten
  Den som eig eller er ansvarleg for produksjonsdyr, skal dokumentere all veterinærmedisinsk behandling av dyr og talet på dyr funne daude ved kvart tilsyn. Dokumentasjonen skal vere tilgjengeleg for Mattilsynet og dyrevernnemndene på førespurnad.

Dei ulike haldforskriftene stiller i tillegg krav som gjeld eigar/ansvarleg for spesifikke dyrehald.